BUTUAN CITY- Ubay-ubay na ka mga gasoline station ang gidukog sa mga driver dinhi sa dakbayan sa Butuan sugod palang kagahapon sa gabie, nunot sa dugang na usab nga pagsaka sa presyo sa produktong petrolyo.
Sumala ni Rey Gudelosao, usa ka truck driver nga taga-Bilay, Butuan City, Agusan del Norte, nga sugod alas 6 pasado sa gabii pa lang kini nagpa-abot nga matubilan apan wala gihapon kini natubilan tungod sa kadaghan sa mga sakyanan nga nagpalinya.
Gani, sigon pa niini, nga walay kasiguraduhan kung mahatagan paba kini og gasolina tungod usab sa pagbawal sa pagpalit og de-container.
Gibutyag pa ni Gudelosao, nga grabe ang epekto sa pagsaka sa presyo sa gasolina, ilabi na sa mga yano nga mamumuo nga walay lain kapilian gawas sa pagpalit bisan mahal.
Si Samtang gikabalaka usab ni ni Jolivie Calamba, residente sa Camayahan, ang nahimong pagsaka sa gasolina karung adlawa hinungdan nga sugod palang 6 sa gabie naghulata na kini sa gasolinahan aron mopalit og gasolina nga gamiton sa ilang trabaho sa pagpamutol og plakata apan pila na ka oras ang minglabay wala pa maabli ang estasyon.
Gibutyag usab niini nga 2 ka container ang iyang paliton taliwala paman nga tulo ka container ang kinahanglanon para makompleto ang ilang panginahanglan. Gani gipili nalang niini nga maghulat bisan lisod nunot sa taho nga mosaka na usab ang presyo sa gasolina karung adlawa
