BUTUAN CITY – Nadugangan og dyutay ang fuel inventory sa nasud tungod sa nasinatiang krisis sa Middle East.
Sumala sa Department of Energy kon DOE nga moabot pa og 50.94 ka adlaw ang ilungtad sa suplay sa lana sa nasod.
Kini nga numero mas taas kumpara sa ilang naunang taho nga 45 ka adlaw na lang ang nabilin.
Ang dugang nga suplay sa fuel miabot human sa pahayag ni Executive Secretary Ralph Recto nga nakapalit ang nasod og 1 ka milyon ka bariles o bugti sa 165 milyon ka litro nga diesel gikan sa lain-laing mga nasod.
Sa miaging semana, miabot na ang 22.6 milyon ka litro gikan sa Japan.
Gilauman usab nga adunay pa’y moabot nga dugang suplay sa pagsulod sa bulan sa Abril.
Nagtuo si DOE Secretary Sharon Garin nga ang kasamtangang inventory levels igo ra makahatag og panahon samtang gihulat pa ang umaabot nga mga stock.
