BUTUAN CITY – Dakong garbo alang sa Father Saturnino Urios University Accountancy human nag Top 2 ang nasangpit nga programa sa tanang Accountancy Schools sa tibook Mindanao sa dunay kapin 30 ka mga passers nga kategorya.
Kini human ning gawas na ang resulta sa May 2024 Licensure Examination for Certified Public Accountant, diin nakuha sa maong eskwelahan ang 54.55% nga passing rate, mas taas kon itandi sa National Passing Rate nga 30.28%.
Nanguna sa maong kategorya ang Caentral Mindanao University nga dunay 34 ka mga takers ug naka papasar kini og 24, samtang ang FSUU usab dunay 33 ka mga takers ug naka palusot og 18, gisundan kini sa Mindanao State University IIT nga dunay 50 ka mga takers ug 27 ka mga pasado.
Sumala usab sa datus nga gikan sa 107 ka mga eskwelahan sa tibook Pilipinas, 47 lamang sa maong kategorya ang nakakuha og passing rate nga mas taas kuntra sa National Passing rate.
