BUTUAN CITY – Usa ka pinasahing klase sa bao kansa gikonsiderang critically endangered species ang nalambat sa Apayao River ug daling gi-turnover nga buhi ngadto sa mga otoridad, kansa naghatag og paglaum alang sa konserbasyon niini.
Sa pagsusi sa Community Environment and Natural Resources Office (CENRO), nasuta nga ang maong bao, mao ang Cantor’s giant softshell turtle, usa ka pinasahing freshwater turtle sa kalibutan, kansa duna pa’y dala nga mga itlog.
Tungod niini, nagtuo ang mga eksperto nga posible pang mudaghan ang populasyon sa maong klase sa bao basta ma-atiman lang kini og maayo.
Human gi-atiman sa maong ahensya ang nasangpit nga bao ug nasigurong maayo na ang iyang kondisyon, gibuhian na kini sa iyang natural nga pinuy-anan sa suba.
