BUTUAN CITY –Gikumpirma sa mga pulis sa Idaho sa Estados Unidos nga ang 20-anyos nga lalaking mipusil-patay sa duha ka mga bombero, gustong mahimong bombero kaniadto.
Madumdumang ang mga bomberong sila Frank Harwood ug John Morrison, gipusil-patay samtang angol usab ang ikatulong si Dave Tysdal, human gipamusil ni Wess Roley dihang mi-abot sila aron respondihan ang sunog sa Canfield Mountain,sa amihanang bahin sa Coeur d’Alene kagahapon.
Gika-ingong si Roley mismo ang nagdagkot sa kalayo aron magpadala og emergency services sa maong lugar ug wala pa masuta ang motibo sa maong panghitabo.
Human ang pila ka oras nga standoff, nadiskubrehan sa police SWAT team ang patay nang si Roley – duol sa dapit diin natigayon ang pagpangatake.
Sigon ni Kootenai County Sheriff Bob Norris, gisaysay sa lolo ni Roley nga taas og respeto kaniadto ang iyang apo ngadto sa mga otoridad ug gusto niining mahimong bombero rason nga blangko siya sa rason nga gihimo sa iyang apo ang kremin.
Posible matud pang gi-reject siya o kaha, duna’y makadismaya nga kasinatian kining naagi-an.
Usa sa ilang gitutukang anggulo ang paghangyo sa mga bombero nga ibalhin ang iyang sakyanan nga maoy iyang gipuy-an kondiin duna matud pa’y natigayong lalis.
