BUTUAN CITY – Gitugutan na sa International Criminal Court kon ICC Pre-Trial Chamber III si kanhi Pangulong Rodrigo Duterte nga dili mutambong sa himuong status conference sa iyang kaso karong Mayo 27 human niini gi-waive ang iyang katungod nga mu-atubang sa korte.
Sigon sa kampo sa kanhi pangulo, iya nang gitugyan ngadto sa iyang legal team ang pagtuki sa mga procedural matter kansa apil sa agenda sa pagdungog. Bisan pa man, gimanduan sa korte ang defense team nga magsubmite og pirmadong waiver gikan sa kanhi pangulo adiser ang Mayo 25 isip pormal nga kumpirmasyon sa iyang desisyon.
Nakalatid sa agenda sa status conference ang mga importanteng pagpangandam alang sa nagkaduol nga pagtaral apil na niini ang petsa alang sa pagsugod unya sa pagtaral, eskedyol sa musunod nga mga lakang, ug pagpaminaw sa mga testigo, pagsusi sa mga testimoniya mga dokumento, mga ebidensya ug uban pa.
Apil sa hisgutan ang witness protection, paggamit sa naha-unang mga testimoniya, language ug interpretation requirement apil na ang partisipasyon sa mga biktima sa trial process.
Sigon korte, usa kini pa public hearing apan mahimo kining himuong private session kung duna’y sensitibong impormasyon kalabot sa seguridad sa mga testigo.
