BUTUAN CITY- Gipadayag sa kampo ni kanhi Pangulong Rodrigo Duterte nga andam na kini alamh sa confirmation of charges hearing atubangan sa International Criminal Court (ICC) karung hapon, Lunes.
Sumala sa iyang abogado nga si Atty. Nicholas Kaufman, mohatag lang og opening statement ang depensa niini adiser sugdan sa prosekusyon ang presentasyon sa ilang ebidensya.
“The defense only has to make an opening speech. In the afternoon, I anticipate the prosecution will begin its presentation of the evidence,” Kaufma.
Base sa nakatakdang skedyul sa ICC, basahon una sa Pre-Trial Chamber I ang mga gipangalabay nga kaso batok sa kanhi Pangulo. Dili na motambong sa personal si Duterte human gitugotan sa korte ang iyang hangyo nga i-waive ang iyang personal nga pagtambong sa hearing.
Human basahon ang mga kaso, magpagawas usab sa ilang mga opening statement ang ICC prosecutors sama sa common legal representatives of the victims (CLRVs), at ang defense team.
Gawas niini gitakda usab ang mga mosunod nga hearing sa Pebrero 24, Pebrero 26, ug Pebrero 27.
Sa mga mosunod nga adlaw, laumang ipagawas sa prosekusyon ang ilang mga ebidensya nga tubagon usab sa kampo ni Duterte.
Sigon ni Kaufman dili na niya kinahanglan og daghang input gikan sa kanhi pangulo alang sa ilang estratehiya sa depensa.
Kahinumdumang gipasakaan sa ICC Prosecutor si Duterte og 49 ka kaso nga murder ug attempted murder kalabot sa iyang gipatumang ‘war on drugs’. Bisan paman, gi-insistar sa prosekusyon nga mas halapad pa nahimong ihap sa mga biktima panahong sikop pa ang kaso.
Base sa rekord sa gobyerno, labing-minus 6,200 drug suspects ang namatay sa mga operasyon sa kampanyang kontra droga niadting panahon sa Duterte administration. Apan, sumala sa pipila ka human rights organizations, posibelng mo-abot pa kini og 30,000 ang kinatibuk-ang ihap kung ilakip matud pa ang wala natala kalabot sa pagpatay.
Sa confirmation of charges hearing otingkayon sa huwes kung aduna bay ”substantial grounds” o igo nga basehan ang prosecution aron ipadayon ang kaso sa usa ka full-blown trial.
