BUTUAN CITY – Giduso ni Rep. Khymer Adan Olaso sa Zamboanga City 1st district ngadto sa Kamara ang House Bill 11211 kansa mas nailang Death Penalty for Corruption Act aron patyon pinaagi sa “firing squad” ang mga opisyal sa gobyerno nga mahukman sa Sandiganbayan nga guilty sa mga kasong graft and corruption; malversation of public funds; ug plunder.
Higayong mahimo nang balaud, cover niini ang tanang public officials, gikan sa presidente sa nasud hangtud sa mga opisyal sa mga barangay. Cover usab niini ang uban pang mga anaa sa Ehekutibo, Lehislatura ug Hudikatura; constitutional commissions; government-owned and controlled corporations kon GOCCs; apil na ang mga miyembro sa Armed Forces of the Philippines kon AFP ug Philippine National Police kon PNP.
Nakalatid dinhi ang pipila ka mga safeguards, kondiin siguruhon ang due process ug proteksyon, apil na ang pagsaka sa hukom ngadto sa Korte Suprema alang sa review, ug tugutan ang mga akusado nga gamiton sa bisan unsa mang legal remedies nga available.
Punto sa explanatory note sa House Bill, ang kurapsyon nagpabiling usa sa pinakadakong hulga sa social, economic ug political development sa Pilipinas.
