-- ADVERTISEMENT --
BUTUAN CITY – Nakatala ang Department of Health (DOH) og 26 ka mga bag-ong kaso sa firecracker-related injuries, hinungdan nga mi-abot na sa 69 ang kinatibuk-ang kaso, usa ka adlaw human nato gisa-ulog ang Pasko.
Sigon sa DOH, 62 ka mga sentinel sites nga nakatala og mga kaso gikan sa Disyembre 22 sa alas-sais sa buntag hangtud kaganinang buntag, Disyembre 26.
Sa tanang mga kaso, 58 sa mga biktima nag-edad og 19-anyos pa-ubos samtang nahabiling 11, nag-edad og 20-anyos pataas. Sigon sa DOH, 65 sa mga biktima mga lalaki samtang ang nahabiling 4, mga babaye.
Sa 69 ka mga biktima, gibutyag sa DOH nga 51 niini kon 74% mga aktibong firecracker users.
