BUTUAN CITY – Lisod matugotan ang gihangyong Interim Release sa kampo ni kanhi Presidente Rodrigo Roa Duterte ngadto sa International Criminal Court kon ICC.
Kini ang panlantaw ni Atty. Sonny Matula, Presidente sa Federation of Free Workers mahitungod sa gisang-at nga interim release sa kampo ni Duterte tungod kay sumala niini nga sukad kaniadtu, wala pa may gitugutanan ang ICC sa interim release, ilabi na matud pa nga impluwensyado pa gihapon ang kanhi Presidnete sa Pilipinas.
Pasabot ni Matula nga daghan pang mahimo si Duterte nga wala masayri sa mga tawo tungod sa impluwensya niini ug sa kahigh-tech na sa panahon, nga bisan kon sa laing nasod kini dawaton, mamahimo gihapon kining makalihok kung unsa ang gusto niining himoon arun makalusot gikan sa iyahang pagka priso.
Dugang pa niini nga kung itandi sa Pilipinas, non-bailable man gani ang kasong Murder, butang nga sama sa giatubang nga kaso ni Duterte nga Crimes Against Humanity.
Ang pamahayag ni Atty. Sonny Matula, Presidente sa Federation of Free Workers sa pakighinahi ning sibyahan.
