BUTUAN CITY – Subling mi-apela ang kampo ni kanhi Pangulong Rodrigo Roa Duterte sa International Criminal Court (ICC) human gisalikway sa Pre-Trial Chamber I ang hangyo niining Interim Release.
Sumala sa lead counsel ni Duterte nga si Atty. Nicholas Kaufman, diin sumala niini nga ilang gisumite ang apela usa ka semana na ang milabay, ug gitawag niining sayop ang desisyon sa hukmanan.
Sa 23-ka palid nga desisyon nga gipagawas niadtong Setyembre 26, giinsistir sa ICC nga kinahanglan magpabilin sa kustodiya si Duterte aron malikayan ang posibleng pagkaapekto sa imbestigasyon ug mga legal nga proseso. Gihisgutan usab sa hukmanan ang posibilidad nga anaa sa flight risk si Duterte ug mahimong maemluwensyahan pa niini ang mga saksi.
Gisalikway usab sa ICC ang argumento sa depensa nga angay siyang buhian tungod sa iyang edad ug kahimtang sa panglawas, sumala sa hukom nga duna’y igong medikal nga serbisyo sulod sa ICC Detention Center.
Apan sumala sa kampo sa kanhi pangulo, dili na angay si Duterte nga moatubang sa pagtaral tungod sa cognitive decline niini, apan tubag sa hukom, walay igong ebidensya aron kini mapamatud-an.
