BUTUAN CITY – Gipadayag sa bag-ong gitudlong Ombudsman nga si Jesus Crispin “Boying” Remulla nga iyang ukayon ang isyu kalabot sa Confidential funds ni Vice President Sara Duterte ug makigtabayayong siya sa mga nagkupot sa maong isyu nga gitunol ngadto sa opisina sa Ombudsman.
Kahinumdumang gisumite sa House Committee on Good Governance ang committee report niini sa Ombudsman batok sa besi presidente kalabot sa dili matud pa sakto nga pag-gamit sa pundo sa Department of Education. Sa maong report, girekumenda nila nga kasuhan si Vice President Sara Duterte sa alegasyong technical malversation perjury, bribery ug plunder kalabot usab sa kontrobersyal nga confidential funds niini.
Gibutyag ni Remulla nga makasiguro matud pa ang publiko nga transparent siya ug ipatuman ang accountability. Gisiguro usab niini nga sa pagtudlo kaniya isip Ombudsman, mapanubag ang mga opisyal dungan sa nagpadayong imbistigasyon kalabot sa flood control projects anomaly.
Samtang opisyal na siyang mobalhin sa iyang bag-ong buhatan karong Biyernes human sa iyang pagpanumpa ugmang adlawa, Huwebes
