BUTUAN CITY- Mingsaka ang farmgate price sa humay niadtong Enero 2026, base sa taho sa Philippine Statistics Authority kon PSA.
Minggawas sa monitoring sa maong ahensiya nga ming-abot na sa P20.10 pesos ang matag kilong sa humay sa minglabay nga buwan, mas taas og dos pisos kumpara sa P18.01 nga presyuhan niadtong buwan sa Disyembre sa miaging tuig. Bisan paman, mag-ubos gihapon ang maong presyo kumpara sa farmgate price niadtong Enero 2025.
Subli usab nga mingsaka ang presyo sa regular milled rice niadtong unang simana sa Pebrero kumpara niadtong buwan sa Enero.
Base gihapon sa datus sa PSA, mingsaka og 4.1% ang presyo gikan sa kanhi P43.76 matag kilo padung sa kasamtangang P45.54 matag kilo.
Apan kon itandi sa susamang buwan niadtong miaging tuig, mas ubos ang average price karung tuiga tungod ming-abot kani-adto sa P47.77 ang matag kilong presyo sa regular milled rice. Kini mas taas og dos pisos kumpara sa kasamtangang presyo.
