BUTUAN CITY – Mi-report ang mga users sa Facebook, Instagram, ug WhatsApp nga naglisod sila pag-access niini tungod sa usa ka mass global outage. Sigon sa Meta, nga maoy nanag-iya sa maong mga apps, nasayod na sila nga ang maong technical naka-apekto sa kakapas sa mga users pag-access sa maong mga apps ug padayon usab ang ilang trabaho aron mabalik na sa normal ang tanan sa labing daling panahon dayong pangayo og dispensa sa kahasol nga hatud niini.
Nasayrang mi-abot sa kapin 22-mil ka mga tawo ang nag-report og mga isyu sa Facebook kagabii samtang kapin usab sa 18,000 ang nagproblema pagamit sa WhatsApp, base na sa pamahayag sa outage-tracking site nga Downdetector. Ang mga problema sa maong mga apps gi-report sa katawhan sa United Kingdom, pipila ka parte sa Uropa, Asia, Australia, South America, ug sa Estados Unidos.
Sigon sa Downdetector, nagsugod ang outages pasado alas-sais kagabii, base na usab sa mga reports sa outages ug sa aktwal nga ihap sa mga apektadong users. Ubay-ubay usab nga mga isyu ang gi-report apil na ang wala nila paggamit sa maong mga apps o bisan ang feeds.
