BUTUN CITY- Gihagit pag-usab ni kanhi Senador Antonio Trillanes si Senador Ronald dela Rosa nga kusang-loob nga atubangon ang mga alegasyon batok kaniya sa International Criminal Court (ICC) sa The Hague, Netherlands.
Giingon ni Trillanes nga maayo nga motungo si Dela Rosa didto aron bisitahon o ubanan si kanhi Pangulong Rodrigo Duterte nga kasamtangan nga nakakulong sa ICC Detention Centre, ug aron masuta kung tinuod nga adunay warrant of arrest nga gipagawas batok kaniya.
Matud pa, sukad pa Nobyembre 2025 wala na magpakita sa publiko ang kanhi hepe sa PNP human sa impormasyon nga adunay warrant sa iyang ngalan.
Advice ni Trillanes nga mas maayo nga kusang muadto si Dela Rosa sa The Hague aron makumpirma kini, o ipakita ang iyang suporta pinaagi sa pag-uban sa kanhi pangulo.
Dugang pa niya, dili matarong nga biyaan ni Dela Rosa si Duterte karon nga nag-antos, ilabi na nga kaniadto sila kapitan nga magkauban samtang presidente pa si Duterte.
Samtang iya usab gibweltahan ang mga nibatikos alang sa iyang reklamo nga gipasang-at batok lkang Vice President Sara Duterte.
