BUTUAN CITY – Padayon pang gi-imbestigahan sa kapulisan sa Dapa, Surigao del Norte ang pagpusil-patay sa riding-in-tandem suspects sa usa ka retiradong pulis kagahapon sa Juan Luna St., Barangay 4, Poblacion.
Naila ang biktimang si Efren Ruaya Ramirez, 67-anyos, minyo og residente sa Barangay 7, Poblacion, samtang angol usab ang 7-anyos niining apo kinsa na-igo sa bukton og padayon pang nagpa-alim sa ospital.
Sigon ni Police Captain Elmer Clarit, hepe sa Dapa Municipal Police Station, padayon ang ilang pagpanguha og impormasyon aron makuha na ang motibo sa kremin.
Usa sa mga anggulong ilang gitutukan ang trabaho sa biktima kinsa chief
security sa Dapa Municipal Hall.
Ila nang gi-enhance karon ang nakuha nilang CCTV footage aron maklaro ang mga suspek nga mitiro sa biktima kinsa migukod pa sa mga suspek apan subling gipusil rason sa iya nang pagkatumba nga miresulta sa iyang kamatayon.
Narekober sa crime scene ang usa ka basiyo sa kalibre 45 nga pistola.
