BUTUAN CITY – Gikondena sa Police Regional Office kon PRO-13 ang brutal nga pagpatay sa rebeldeng New People’s Army kon NPA sa kanhi nila ka-ubanan didto sa bukirang bahin sa Barangay Buenavista, Tandag City, lalawigan sa Surigao del Sur.
Nasayrang ning mi-aging alas-11:00 sa buntag sa miaging adlaw sulod mismo sa pinuy-anan sa biktimang si Jojo Sabelino, 30-anyos, ulitawo, dihang giduol niya ang usa ka babaye og lalaking nangita kaniya nga parehong duna’y bitbit nga pistola dayong pusil kaniya sa maka-upat ka higayon ug paspas nga misibat.
Sa pakighinabi sa Bombo Radyo Butuan ngadto kang P/Maj. Renel Serrano, information officer sa PRO-13 Caraga, taud-taud nang gibiyaan sa biktima ang walhong kalihukan human ang lima ka tuig niining aktibong partisipasyon.
Dugang pa ni Serrano, mitahan kini ngadto sa mga otoridad sa gobyerno dihang nakamatikod nga gi-ilad lamang siya sa walhong kalihukan kondiin gihimo matud pa kining informant ng gitu-uhang maoy motibo sa paglikida kaniya.
Padayon ang panawaganm sa PRO-13 ngadto sa tanang myembro sa maong kalihukan nga motahan na sa kagamahanan aron maka-avail sa daghang oportunidad nga ihatag sa gobyerno ilabina ang home defense village.
