BUTUAN CITY – Sulod na sa gold medal match sa men’s boxing 80-kg finals ang Pinoy boxer nga si Eumir Marcial sa nagpadayon nga 33rd Southeast Asian (SEA) Games human gipatumba ang Vietnamese boxer nga si Manh Cuing Nguyen.
Wala tuguti ni Marcial nga ang desisyon itugyan pa ngadto sa mga hurado rason nga iyang gipatumba ang kontra sa 35 segundos nga nabilin sa ikaduhang round nga iya usab nga gikakurat tungod kay gibuhat ra niya ang iyang labing maayong mahimo ug gihunat ang tanang kusog aron makadaog.
Atubangon sa 30-anyos nga si Marcial ang Indonesian nga si Maikhel Muskita, nga nakadaog og gold medal sa 2021 ug silver medal sa 2023 SEA Games.
Makuyog ni Marcial ang ubang mga Pinoy boxers nga abante na usab sa gold medal match, sama nila Flint Jara, Jay Brian Baricuatro, ug Aira Villegas.
