BUTUAN CITY – Patay ang usa ka 12-anyos bata samtang samaran usab ang laing duha nga sama ug pangidaron niini atul sa pagpamusil nga nahitabo sa usa ka eskwelahan sa Finland. Sumala sa imbistigasyon sa kapulisan nga usa ra usab ka estudyante ang suspek, kansa 12 anyos pa lamang gihapon, diin una na kining naka-ikyas apan dali rang nasikop sa mga otoridad.
Nahitabo ang maong pagpamusil sa Viertola school sa Vantaa amihanang bahin sa capital Helsinki. Dugang niini nga Grade 6 pa lamang ang tanang bata nga nalambigit sa maong shooting incident.
Sumala sa mga kapulisan nga anaa na sa kustudiya sa social service ang nasangpit nga bata, kini tungod kay dili pa man mamahimong liable ang mga bata sa nasod nga nag edad 15 anyos paubos sa mga krimen nga pagabuhaton niini. Apan alayon niini, mamahimo na usab nga maka hawid og pusil ang mga batan-on sa maong nasod nga nag edad 15-anyos pataas ugaling gamiton nila ang lesensya sa ilahang kapamilya o pareynte.
Sa kasamtangan, wala pa masuta ang hinungdan nasangpit gna pagpamusil.
