BUTUAN CITY – Mipalag si Atty. Ernie Palanan kanhe election supervisor dinhe sa Butuan City og karun atua na sa Maguindanao nadestino, subling pagbutho sa expose kaniadto ni kanhi Konsehal Sammy Amante kalabot sa gika-ingong ang kampo nila kanhi Mayor Ferdinand ‘Jun’Amante ang midaog sa 2016 elections og dili ang sa kasamtangang administrasyon.
Sumala pa ni Palanan sa eksklusibong pakighinabi ning sibyahan, gihagit niini ang kampo sa nag-akusar nga magpagawas og abidensiya sa maong akusasyon aron kini karespetuhan. Apan gibutyag niining kung duna man silay ebidensiya, dapat kaniadto pa sila nagpasaka og kaso. Sigon ni Palanan, sa pamahayag pa lang sa nagpagawas sa expose maklaro na matud pa nga kini bakak. Gitumbok niini ang nakalatid nga PCOS machine tungod kay Vote Counting Machine kon VCM naman ang gigamit niadtong mga higayona. Pulitika usab ang nakitang rason niini sa pagpagawas sa maong expose.
Mahinumdumang gibutyag ni Amante nga dili tinuod nga midaog sa eleksyon ang kasamtangang nagkupot sa renda sa lokal nga kagamhanan ning siyudad.
Ang mga tawo matud pa nga nagbaligya sa mga PCOS machines sa Smartmatic ang nag-initiate sa seguradong kada-ugan sa eleksyon bugti sa dakong kantidad sa kwartang ilang pangayuon.
Gani, siya matud pa ang unang giduol sa usa ka Evelyn aron kini ang gamiton nga maoy mugarantiya sa ilang sure win nga dihang iyang gikunsulta sa mga ka-ubanan nila sa ilang bando, wala nila gamita sa rasong limbong matud pa kini
