BUTUAN CITY – Nakasiguro si two-time Olympian EJ Obiena og tiket sa prestihiyosong 2026 World Athletics Indoor Championships nga ipahigayon sa Marso 20 hangtud sa 22 sa Kujawsko-Pomorska Arena Torun sa Torun, Poland.
Malipayon kining gibalita ni Obiena sa iyang social media human makasulod sa World Athletics Indoor Championships ning tuiga.
Mahinumdumang pakyas nga makaapil si Obiena sa nakalabay nga tuig sa maong torneo human wala makuha ang qualifying mark.
Aminado si Obiena nga daghan kining gipangbitbit nga problema sa nakalabay nga tuig lakip na ang mga minor injuries nga kinahanglan niining malatasan.
Hinungdan usab nga sa pagbalik niini sa maanindot nga poma, naglaum si Obiena nga magpadayon na ang maayong ratsada niini karun nga season.
Masukod ang kabagtik ni Obiena sa World Athletics Indoor Championships tungod kay nakasulod niini ang Top 12 sa kalibutan.
Nanguna na sa listahan si Armando Duplantis sa Sweden.
Base sa anunsiyo sa Philippine Athletics Track and Field Association makauban ni Obiena sila World number 12 pole vaulter John Cabang Tolentino nga mosalmot sa 60 meters hurdles samtang sila Jessica Laurance ug Zion Corrales Nelson sa 60-meter dash.
