-- ADVERTISEMENT --
BUTUAN CITY – Nagpakita’g gilas sa iyang abilidad si Filipino Olympian ug pole vaulter EJ Obiena human makab-ot ang season-best nga 5.78 metros ug nadala ang bulawan nga medalya sa ISTAF Indoor sa Berlin.
Usa ra ka attempt ang gikinahanglan ni Obiena aron malabwan ang 5.78 metros, samtang duha ka attempt ang iyang gigamit aron malabwan ang 5.60 metros.
Kauban niya sa 5.78 metros si Simen Guttormsen gikan sa Norway, apan nakakuha lang kini ug silver medal tungod sa daghang attempts sa mas ubos nga heights. Pareho silang nagtumong nga malabwan ang 5.83 metros apan napakyas.
Mitapos sa ikatulong puwesto sila Menno Vloon gikan sa Netherlands ug Bo Kanda Lita Baehre gikan sa Germany human malampasan ang 5.70 metros.
