-- ADVERTISEMENT --
BUTUAN CITY- Gibalhin ang pag-obserba sa Eid’l Fit’r, ang marka sa pagtapos sa Ramadan, og usa sa duha ka nag-unang pangunahing selebrasyon sa relihiyong Islam, sa adlaw nga Sabado, Marso 21.
Kini human wala makita ang buwan karung gabhi-ona Huwebes, Marso 19 dungan sa gihimong moon sighting sa Bangsamoro Darul-Ifta, sumala ni Bangsamoro Mufti Sheikh Abdulrauf Guialani.
Tungod niini, mag-puasa pa og usa ka adlaw ang mga igsoong Muslim sa Pilipinas.
Gawas usab sa pagbalhin sa adlaw sa pag-obserba sa Eid’l Fit’r, magpabiling regular holiday ugmang adlawa, Marso 20 nunot sa unang anunsiyo sa Palasyo Malacañang.
