BUTUAN CITY –Gibarugan ni Vice President ug Department of Education Secretary Sara Duterte-Carpio nga kinahanglan pa ang duha ka tuig nga transition period adiser ibalik sa traditional nga June to March ang school year kansa nasibog tungod sa COVID-19 pandemic.
Sa iyang pagtambong sa national convention sa 28th Vice Mayors’ League of the Philippines nga gipahigayon dinhi sa Butuan City, gibutyag sa opisyal nga ang duha ka tuig, gipa-ubsan na gikan sa unang girekomendang lima ka tuig nga transition period. Base kini sa ilang gihimong konsultasyon sa mga regional offices sa ahensya niadtong Enero ug Pebrero ning tuiga gikan sa National Capital Region ngadto na sa ubang mga regional offices.
Samtang gipasabot niini nga nagpabilin pa gihapon ang ilang palisiya nga kung duna’y mga natural calamities sama sa weather disturbances o kaha sama sa nasinatian karong taas nga heat index, duna’y kagahom ang mga school administrators ug mga principals nga i-shift ang ilang facer-to-face classes ngadto sa alternative delivery modes sama sa distance o kaha modular learning. (REPORTS FROM: Bombo Lilibeth Ruiz)
