BUTUAN CITY – Mitahan kang Mayor Napoleon Montero sa lungsod sa Jabonga, Agusan del Norte ang duha ka puganteng mangsoong tulisan, pila ka adlaw human sa ilang pag-ambak gikan sa patrol car sa Kitcharao uban sa usa pa nila ka igsoon nga maoy unang nadakpan.
Sa eksklusibong pakighinabi ning sibyahan, gibutyag ni PCaptain Allan Roy Villegas, hepe sa Kitcharao Municipal Police Station, niadtong Septembre 30 sa alas-7:30 sa gabii, natigayon ng pagsurender nila Roland ug Raymund Dadong.
Posible matud pang na-pressure ang duha sa wala’y pu-as nga pagpangita kanila ilabina nga ila nang gi-agni ang ginikanan sa duha nga pasurenderon na sila niadtong Septembre 29.
Ang ilang pagpa-uli sa balay sa ilang ginikanan didto sa Jabonga maoy nahimong dalan nga na-agni sila pagsurender ug gisundo gilayon sa ilang pwersa nga wala na’y mga posas ang ilang mga kamot.
Si PCaptain Allan Roy Villegas, hepe sa Kitcharao Municipal Police Station sa pakighinabi ning sibyahan.
