BUTUAN CITY- Sulod karun sa Top 50 ang duha ka representante sa Caraga Region alang sa 2021 Miss Universe Philippines pageant partikular ang gikan sa sa La Paz, Agusan del Sur nga si Hershey Gail Dacera ug Michele Angela Navarro Okol nga gikan sa Siargao Island, Surigao del Norte.
Kini base sa resulta sa fan votes kauban ang Miss Universe Philippines Organization judges.
Tungod niini dakong pagpasalamat ang nabungat sa duha ka representante sa Caraga Region partikular sa nasangpit nga mga probinsya ingun man sa ilang gigikinang kultura.
Sumala ni Dacera, ang iyang pag apil sa prestihiyoso pageant ubos matud pa sa iyang ideya nga pamatud-an ang iyang kaugalingon sa ubang tawo.
Gani sa matag-lakang matud pa niya, dala niya ang storya sa iyang gigikanan ingun man ang iyang kultura ug ang iyang mga supporters nga maoy nagdala kaniya aron mas maningkamot tungod sa nakita niya nga responsibilidad ug katuyu-an.
Mapasigarbuhon usab kini karun sa iyang nakab-ot human ang nasinati-ang mga trainings.
Sa karun, naghulat na lamang sila sa final announcement aron mubyahe paingun sa kauluhan alang sa himoong live interview. Samtang padayong gi-awhag usab sa representante sa Siargao Island ang iyang mga supporters ilabina nga tabangan aron maka-abot pa sa Top 30 pinaagi sa pagbotar, like ug share.
