Anaa na sa luwas nga kahimtang ang duha ka nursa sa DO Plaza Medical Hospital sa San Francisco, Agudan del Sur human nga gibanhigan ang mga biktima sa wala pa nailang suspek ning nakalabay’ng gabie.
Padayon usab nga giimbestigahan sa kapulisan sa lungsod sa San Francisco, Agusan del ang maong hitabo nga gika angol sa mga biktima nga sila Gilbert Ayuban nga taga Brgy. Lapinigan ug Jeda Mae Daguio Porquillo human nga gipamusil samtang anaa sulod sa gisakyang kolor pula nga kotse.
Sumala kang Police Major Julius Erwin Espejo, hepe sa San Francisco Municipal Police Station nga apil sa ilang gitutukang anggulo ang kalambigitan sa mga sa biktima sa investment scheme. Gibutyag usab sa opisyal nga ila nang gihikay ang mga testimoniya ug ebidensyang gamiton alang sa ilang ipasakang kasong frustrated murder sa matumbok nga suspek.
