BUTUAN CITY – Kasamtangang hawid na sa local nga pangamhanan sa Prosperidad Agusan del Sur alang sa tukma ng disposasyon ang mga patayng lawas sa duha ka mga membro sa New People’s Army (NPA), nga napatay ning nakalabayng adlaw, Pebrero 12, atul sa engkwentrong nahitabo sa Sitio Katipunan, Brgy. San Lorenzo, Prosperidad, Agusan del Sur tali sa 3rd Special Forces “Arrowhead” Battalion Forces, ilawom sa operational control of the 401st Infantry “Unite N’ Fight” Brigade.
Naila ang mga namatay sa maong engkwentro nga sila si Larry Garcia alias Joven, commanding officer sa Regional Sentro de Gravidad, North Eastern Mindanao Regional Committee (NEMRC), ug si alias Gaga/Garing, vice commanding officer sa maong.
Base sa opisyal nga report, ning lungtad ang maong gyera og 10 minutos, kansa maoy nakapugos og paatras sa mga membro sa mga rebeldeng grupo. Gibiyaan usab sa mga niini ang patayng lawas sa maong mga minatay.
Nakuha gikan sa engkwentro ang mga importanteng materyales, lakip ang duha ka backpack, usa ka Baofeng radio, duha ka Nokia cellphone, blasting caps, usa ka hand grenade, usa ka Claymore mine (IED), lain-laing mga medical supplies, ug subersibong mga dokumento nga ang tanan gidala ngadto sa tukmang awtoridad alang sa dugang nga imbestigasyon alang sa pagpasaka sa mga kriminal nga kaso batok sa mga nalambigit nga CTG personalities.
