BUTUAN CITY – Duha ka mga Indonesian peacekeepers ang namatay sa habagatang Lebanon human ang pagbusikad nga miguba sa ilang sakyanan.
Sumala sa United Nations Interim Force in Lebanon kon UNIFIL nga nagbantay sa maong rehiyon, laing peacekeeper ang grabeng na-angol, samtang ang ika-upat nasamdan usab.
Kini na ang ikaduhang insidente nga adunay namatay sulod sa mi-aging 24 ka oras, human nga usa pa ka Indonesian peacekeeper usab ang namatay niadtong Domingo sa gabii human mibusikad ang usa ka projectile, nga wala usab mailhing gigikanan, didto sa Adchit Al Qusayr sa habagatang Lebanon.
Gisugdan na sa UNIFIL ang ilang imbestigasyon aron mahibal-an kung unsay nahitabo sa duha ka insidente kansa natigayon human sa anunsyo sa Israeli military nga palig-onon nila ang ilang mga ground ug air attacks batok sa Lebanese armed group nga Hezbollah.
