BUTUAN- CITY-Duha ka mga Communist Terrorist Group kon CTG leaders ang mitahan sa ilang kaugalingon ngadto sa kasundaluhan sa may Brgy. Bancasi ning siyudad sa Butuan bitbit ang duha ka mga high powered firearms.
Kini human gipakuksgan sa 4th Infantry (Diamond) Division ang ilang military operations sa Caraga region nga miresulta sa pagkakumpiska sa duha ka mga high-powered firearms datol sa engkwentro kagahapong adlawa didto sa Barangay Rizal, Buenavista, Agusan del Norte.
Ang mga sakop sa 23rd Infantry Battalion ilawom sa 402nd Infantry Brigade pagpanguna ni Lt Col Julius Cesar Paulo Jr., naka-engkwentro sa gibana-banang napulo ka mga rebeldeng NPA nga gitu-uhang membro sa SRSDG Sagay, NCMRC nga gipangunahan ni Rogelio Gerondio alias Napnap kagahapon sa alas-12:30 sa hapon didto sa Sitio Tacub, Barangay Rizal, Buenavista, Agusan del Norte.
Milungtad kini og 10 minutos hangtud nga na-overran sa kasundaluhan ang hideout sa mga rebelde kinsa nagkatibulaag sa pagsibat sa managlahing direksyon ug duna’y mga lama sa dugo nga nabilin.
Nakuha nila sa encounter site ang usa ka M4 Rifle nga duna’y usa ka magazine (20-cap) ug 21 ka rounds sa mga buhing bala ingon man duha ka containers sa nagkada-iyang klase sa mga bala.
Samtang malampusong na-facilitate sa 402nd Infantry Brigade ug sa Military Intelligence unit ang pagtahan nila Armando Rabanes alias Antoy/Dagat/Omar Ibarra, ang Deputy Secretary/Finance Officer/ Political Officer/ Spokesperson of Sub-Regional Committee 3 (SRC3) ug 2nd Political Officer sa North Central Mindanao Regional Committee (NCMRC), ingon man Marvin Hinampas Campos alias Manoy, ang Squad Leader sa Squad 1, Platoon Sagay, SRC3 sa NCMRC.
Si Tavanes nalista sa 4th ID isip usa ka high value individual nga duna’y kutay kang Ka Oris samtang si Campos, kabahin sa CNT group nga misuporta kang Ravanes. Ilang gitahan ang usa ka M16 Rifle ug usa ka AK47 Rifle.
