BUTUAN CITY- Gihatagan og direktiba ni President Marcos si Department of Trade and Industry kon DTI Secretary Christina Roque, nga sigurohong lig-on ang supply sa pagkaon sa nasud.
Sumala ni Roque, nga gimandoan kini sa Presidente nga imintinar ang padayon nga komunikasyon sa mga manufacturer aron masiguro nga adunay igong food supply.
Minghimo na usab matud pa sila og inspection sa mga groceries ug manufacturing plant ug nasuta nga kayapang molungtad og hangtud kapin usa ka bulan ang supply sa pagkaon.
Lakip niini ang mga basic necessities ug Prime commodities nga anaa sa listahan sa DTI. Gikompirma usab ni Roque nga wala pay natalang hoarding ug profiteering.
Padayon ang adlaw-adlaw nga monitring sa DTI pinaagi sa Accreditation Centers Regional Offices sa tibuok nasud aron masiguro nga walay iligal nga pagsaka sa presyo sa mga nag-unang palaliton.
