BUTUAN CITY -Nabalaka si House Speaker Martin Romualdez sa mando sa Senado nga maoy impeachment court sa gi-atubang nga impeachment case ni Vice President Sara Duterte kalabot sa pagpabalik sa articles of impeachment ngadto sa House of Representatives.
Sigon ni Romualdez, na-transmit ang mga artikulo base sa pagsunod nila sa balaud kansa suportado sa 215 ka mga kongresista ug wala usab matud pa nila kini gidali-dali.
Igo lang matud pa misanong ang kamara sa panawagan sa katawhang Filipino nga patubagon ang besi-presidente sa mga akusasyong gihapak batuk kaniya.
Kagabii adiser nag-sine die adjournment ang 19th Congress, gipalig-on sa Kamara ang House resolution number 2346 nga nag-certify nga ang giduso nilang impeachment case batuk kang VP Sara niadtong Pebrero 5 ning tuiga, misunod sa Article 11, section 3, paragraph 5 sa balaud.
Human niini gimanduan ang house secretary general nga magpagawas og sertipikasyon kalabot niini dayong defer sa gibalik nga articles of impeachment hangtud nga muhatag matud pa og katin-awan ang Senate impeachment court.
