BUTUAN CITY – Nadokumento sa mga doktor sa Isfahan University of Medicine sa Iran, ang kaso sa usa ka 23-anyos nga lalaki kansang ulo, mahulog na sa 90-degree angle tungod kay ang iyang neck muscles dili na makasuporta niini.
Ang “Dropped Head Syndrome,” usa ka seryusong medical condition nga gi-characterize pinaagi sa pagkaluya sa neck extensor muscles, hinungdan nga dili na madaug sa li-og ang ulo.
Kasagari, ma-associate pa kini sa nagkada-iyang neuromuscular conditions, sama sa mitochondrial myopathy, congenital myopathy, motor neuron disease, o kaha mga anatomical abnormalities, sama sa pagdako sa ulo.
Ang wala panganling 23-anyos nga pasyente, gikan sa kabus nga pamilya ug duna’y medical history sa major depressive disorder ingon man pagka-adik sa heroin, opium, ug amphetamines.
Human nasuta sa mga doktor ang kagrabe sa iyang kondisyon, tulo ka hugnang surgical solution ang gihimo sa mga doktor aron matangtang ang na-deform niyang bukog ug subling ma-allign sa iyang li-og sa saktong posisyon.
Milampos ang operasyon rason mga makalakaw-lakaw na kini gamit ang usa ka special collar ug na-discharge ra paglabay sa tulo ka adlaw.
Ang una nang nadokumento nga koneksyon tali sa substance abuse ug sa dropped head syndrome gipanganlan og “intoxicated syndrome”.
