BUTUAN CITY – Padayon pa karun ang imbestigasyon sa kapulisan mahitungod sa gitulis nga van kagahapon sa alas 4:30 sa hapon sa may Sitio Escalon, Barangay Cagniog, Surigao City.
Nailhan ang drayber nga si Avelino Beldas Sarco, 43 anyos minyo nga panel driver ug nagpuyo sa Purok 2 Canlanipa sa maong dakbayan.
Base sa report nga gipaabot sa kapulisan, gimanehoan sa maong drayber ang van gikan sa Canlanipa ug padulong unta sa Surigao City apan pag-abot sa nahitaboang lugar, gipara siya sa duha ka mga wala mailang lalaki nga nagsakay sa pula nga XRM motorcycle ug didto mideklara og Hold Up.
Base sa pagsaysay sa drayberm natangag sa mga suspetsado ang kwarta nga balor 7-mil 632 pesos og gidunggab pa siya sa tiyan gamit ang sundangay.
Sa karun, landig pa sa balay tambalanan ang biktima samtang padayong giila ug gipangeta ang mga suspetsado.
