BUTUAN CITY- Giklaro ni Dra. Jane Rachel Catapia, nga daghan pa’y klase sa blood cancer gawas sa leukemia, lakip na ang lymphoma ug multiple myeloma.
Ang lymphoma nagpakita sa abnormal nga pagtubo sa mga kulani, samtang ang multiple myeloma nagdala sa sobra nga plasma cells nga mahimong hinungdan sa anemia, pagkaluya sa mga bukog, ug komplikasyon sa kidney.
Ang leukemia adunay duha ka matang: Acute Myeloid Leukemia kon AML nga kasagaran sa mga tigulang, ug Acute Lymphocytic Leukemia kon ALL mas makita sa mga bata. Sigon pa niini, nga ang pagtambal naglakip sa intravenous chemotherapy alang sa acute cases ug oral chemotherapy alang sa chronic leukemia, apan ang relapse magpabilin nga dakong hagit.
Dugang pa sa Doktora, ang exposure sa kemikal, radiation, ug mana mahimong hinungdan sa blood cancer, nga kasagaran makita sa mga sintomas sama sa kakapoy, hilo, dali nga pagdugo, ug dali nga pagka-angkon og lagom o bun-og.
