BUTUAN CITY – Dul-an usa ka buwan human gidakop sa kasong large scale syndicated estafa ngadto sa iyang pinuy-anan sa Brgy. 3, Nasipit, Agusan del Norte, padayon pa gi hapong naka-hospital arrest si kanhi Vice Mayor Ronald ‘Pusoy’ Timogan sa may MJ Santos Hospital.
Sa eksklusibong pakighinabi sa Bombo Radyo Butuan, gipadayag ni Butuan City Jail warden Sr. Insp. Marlo Castelo nga nangayo na sila sa korte og order of discharge rason nga gipangayuan sa korte og status sa kahimtang ni Pusoy ang iyang doktor.
Kini aron makadesisyon na ang korte kung mag-isyu na sila og order to discharge from hospital kang Timogan.
Mahinumdumang napasaka ang kaso base na usab sa reklamo sa ubay-ubay nga mga Butuanon nga iyang nakumbinsing mububo sa investment scam nga Forex apan wala makadawat sa ilang pay-out human naka-pay in og dakong kantidad sa salapi.
