BUTUAN CITY- Nanawagan ang Department of Health kon DOH sa tanang katawhan nga mahimong responsableng pet owner atol sa Rabies Awareness Month, isip kabahin sa kampanya sa gobyerno aron malikayan ang pagkaylap sa rabies sa mga komunidad.
Sumala sa DOH, ang rabies usa ka delikado ug kasagarang makamatay nga sakit kung dili matambalan daypn, apan kini posibleng malikayan pa pinaagi sa husto ug regular nga pagpabakuna sa mga alagang mananap sama sa iro ug iring, ingon man sa paglikay sa mga sitwasyon nga mahimong hinungdan sa pagkapaak o exposure.
Gidasig usab ang publiko nga magpacheck-up gilayon sa mga health center kung mapaakan og mananap aron makadawat og angay nga tambal.
Gipasabot sa ahensya nga ang responsableng pag-atiman sa mga alaga—lakip ang paghatag og bakuna, hustong pag-atiman, ug pagpugong sa ilang paglatagaw—maoy yawe aron mapanalipdan dili lamang ang tag-iya kundili ang tibuok komunidad batok sa rabies.
