BUTUAN CITY – Giklaro ni Mamamayang Liberal (ML) Partylist Representative Leila de Lima sa eksklusibong interview sa Bombo Radyo Philippines nga ang kapakyas ni Vice President Sara Duterte pagtambong sa deliberasyon sa 2026 budget alang sa Office of the Vice President kon OVP sa plenaryo sa Kamara ang rason nga gikibhangan ang proposed budget sa maong buhatan og kapin kon kulang ₱156 milyon gikan sa orihinal na ₱902.8 milyon.
Ang maong proposed budget, gi-apil sa sa mga indibidwal nga amyenda sa House Bill 4058, kansa mas nailang ₱6.793-trilyong General Appropriations Bill alang sa 2026.
Sigon ni de Lima, kabahin kini sa mas gipalapdang panawagan alang sa mas hugot nga pagsusi sa paggasto sa kagamhanan ilabina sa mga buhatan sa mga tag-as nga opisyal sa gobyerno, apil na sa pagpakita sa transparensiya sa paggamit sa pondo, ilabina sa mga unprogrammed funds.
Gawas sa kapakyas ni VP Sara Duterte pagtambong sa deliberasyon sa budget sa OVP sa plenaryo ng Kamara, gipadayag pa ni Rep. De Lima nga wala usab maresolba ang isyu sa accountability.
Samtang kalabot usab sa hangyo nga hatagan og interim release si kanhi Pangulong Rodrigo Duterte, gipadayag ni de Lima nga dili katingalahan ang desisyon sa International Criminal Court pagbasura niini tungod sa kusog nga ebidensya batok sa kanhi presidente ug sa kakulang sa factual ug legal basis, ilabina sa Rome Statute, nga naglatid sa mga kondisyon sa interim release.
Madumdumang girason sa ICC pagbasura sa hangyo ni Duterte mao ang risgo niini sa paglayas, pag-impluwensya sa mga testigo, ug posibilidad sa pagbalik sa krimen.
