BUTUAN CITY- Mipasi-daan si United Nation kon UN Secretary-General António Guterres atol sa emergency meeting sa Security Council nga ang nagpadayon nga kagubot sa Middle East mahimong mosangpot sa usa ka trahedya nga “dili na makontrolar,” human sa joint combat operations sa Amerika ug Israel batok sa Iran diin asa gikataho nga napatay si Iran Supreme Leader Ayatollah Ali Khamenei.
Gipasiugda ni Guterres nga ang bisan unsang aksyong militar sa labing delikado nga rehiyon sa kalibutan adunay dakong peligro nga makapahimo og lapad nga gubat ug sunod-sunod nga kagubot.
Nagtuo ang UN Chief nga ang tinuod nga kalinaw makab-ot lamang pinaagi sa matinud-anon nga negosasyon ug diyalogo, gani iyang gi-awhag ang tanang panig nga undangon na ang giyera.
