BUTUAN CITY – Tanan, dapat manubag sa kurapsyon nga nag limen sa mga anumalusong flood control projects, kini ang gipanawagan ni Atty. Luke Espiritu, ang National President sa Buklarang Manggagawang Pilipino.
Sumala sa abugado sa eksklusibong pakighinabi ning sibyahan nga kinahanglang dili lang ang mga kontratista ang himoong sacrificial lamb sa nasangpit nga kurapsyon, rason nga kinahanglan matud pang moabot sa punto nga mapriso ang tanang may kalambigitan niining mga senador, congressman, lakip na kadtung anaa sa Malacañang ug uban pang mga dagkong opisyal sa pangamhanan.
Gihimong pananglitan sa abugado ang kanhing isyu sa Priority Development Assistance Fund kon ang PDAF Scam, diin si Janet Napoles lamang ang napreso. Dugang pa ni Espiritu nga kinahanglang lakip sa mapanubag ang kanhi administrasyon diin nagsugod ang mga anumalusong flood control projects.
Panawagan pa niini sa mga mambabalaod, kinahanglang dili panalipdan sa Pro-Marcos administration si Presidente Marcos Jr. o si Duterte sa mga Pro-Duterte usab.
Giklaro usab niini nga kinahanglang dunay derektang interbinsyon sa mga katawhan ang imbistigasyon sa nasangpit nga isyu ug hisgutanan, sanglit dili man kasaligan ang gihimong imbistigasyon sa Kamara ingon man sa Senado tungod kay ang mga nag imbistiga, labaw man pod nga dunay kalambigitan sa maong kurapsyon.
Subay sa abugado nga asta ang gimugna nga Independent Commission for Infrastructure kau dili gihapon luwas sa posibleng cover-up sa maong hisgutanan. Pasabot sa abugado, recommending body lamang ang maong komisyon, pasabot nga mohimo lamang kini sila og rekomendasyon nga ipasa kang sa Presidente, kansa mamahimo niining dawaton o kaha isalikway isip siya man ang recommending authority.
