Aprobado na sa House Committee on Appropriations committee level ang sugyot nga ₱6.793 trilyon nga national budget para sa tuig 2026, human sa 37 ka adlaw nga deliberasyon sa komite.
Gidawat sa komite ang mga amendya nga gisugyot sa sub-komite niadtong Lunes, diin ₱255 bilyonniini nga gikan sa orihinal nga alokasyon sa Department of Public Works and Highways (DPWH) para sa mga proyekto sa flood control ang gibalhin ngadto sa mga programa sa Edukasyon, Panglawas, ug katilingban.
Sumala ni House Appropriations panel Chair ug Nueva Ecija Rep. Mikaela Angela Suansing, karong tuiga, gipatuman sa mga mambabalaod ang reporma sa proseso sa pag-draft sa budget aron mapalambo ang transparency ug malikayan ang kontrobersyal nga “insertions” kansa nahitabo sa nakalabayng tuig.
Sayrang ginaproseso kaniadtu ang mga amendya sa “small committee” nga gilangkuban sa pipila lamang ka kongresista sa tago.
Subay niini, nagpulong na ang House Budget Amendments Review Sub-Committee kagahapogn adlawa.
Ang gibalhin nga pondo gipang-apod-apod sa mosunod nga mga ahensya:
• ₱26.5 bilyon dugang sa budget sa Department of Education (DepEd)
• ₱22.5 bilyon para sa pagtukod og bag-ong mga classroom
• ₱1.88 bilyon para sa school feeding programs
• ₱29.28 bilyon dugang sa budget sa Department of Health (DOH):
• ₱26.73 bilyon para sa medical assistance sa mga kabus nga pasyente
• ₱2.4 bilyon para sa pagtukod og mga pampublikong ospital
• ₱60 bilyon ang gi-allocate sa PhilHealth isip subsidy sa gobyerno para sa health insurance sa publiko
• ₱35.91 bilyon dugang sa Department of Social Welfare and Development (DSWD):
• ₱32.06 bilyon para sa emergency cash aid sa mga kabus
• ₱3 bilyon para sa sustainable livelihood programs
• ₱39.36 bilyon dugang sa Department of Agriculture (DA):
• ₱8.89 bilyon para sa farm-to-market roads
• ₱8.69 bilyon para sa post-harvest facilities
• ₱7 bilyon para sa ₱7,000 cash aid sa mga mag-uuma ug mangingisda
Sumala ni Suansing, gilauman nga maaprobahan sa ikaduhang pagbasa ang sugyot nga budget sa dili pa matapos ang Setyembre, ug maabot ang ikatulong pagbasa sa pagbalik sa sesyon sa Nobyembre.
Aduna pay 10 ka adlaw ang mga mambabalaod aron ipasa ang budget bill sa dili pa ang nakatakdang adjournment sa Kongreso karong Oktubre 3, alang sa usa ka buwa nga recess. Mobalik ang sesyon sa Kongreso sa Nobyembre 9.
