BUTUAN CITY – Gikalipay sa Philippine Drug Enforcement Agency kon PDEA Caraga ang namugnang ordinansa sa Sanguniang Panlungsod sa dakbayan sa Butuan, nga mao ang City Ordinance No. 7268-2025, kansa maghatag unya og tabang pinansyal ngadto sa mga Insulating witnesses sa mga kaso may klamabigitan sa illegal nga drugas sa dakbayan.
Sumala sa tigpamaba sa maong ahensya nga si Dindo Abellanosa, ‘unanimous’ ang desisyon sa nga ipasar ang maong ordinansa. Sayrang gipangulohan ang maong balaodnon ni Konsehal Ehrnest John C. Sanchez ug co-author usab niini ang kanhi Vice Mayor, ug karon si Mayor Lawrence Fortun, ingon man sa intero konsehales sa dakbayan.
Pagklaro sa opisyal nga epektibo lamang ang maong ordinansa sa mga drug operations nga natigayon sa dakbayan sa dakbayan sa Butuan.
Subay niini, giawhag usab sa Regional Director sa PDEA-Caraga nga si Levi S. Ortiz ang mga nagkalain-laing lokal nga panggamhanan sa Caraga nga mohimo og sama sa maong ordinansa arun matabangan ang mga witnesses, dili lang sa dakbayan sa Butuan, kundili lakip na usab sa intero rehiyon sa Caraga.
Pasigarbo sa opisyal, kini pa ang pinaka unang ordinansa sa tibook Pilipinas nga nahimugso, kansa nagtumong nga matabangan ang mga insulating witnesses sa mga kaso mahitungod sa illegal nga drugas.
Sumala ni Abellanosa, tubag ang maong ordinansa sa dugay nang problema sa mga otoridad, kansa mao ang ka-walay kwarta sa mga mobarog isip witness sa mga anti-illegal drugs operation.
Sayrang dili lamang mahuman ang papel sa mga witness atul sa pagdakop sa mga drug suspect, apan kinahanglan usab silang motunga ugaling ipatawag sa mga buhatan sa pangamhanan sama sa Office of the Prosecutor, korte, ug uban pang mga ahensya nga may kalabutan sa kaso nga gi-saksihan niini.
Anaa usab nakalatid sa maongordinansa nga bisan dili magmalampuson ang operasyon, hatagan gihapon sa maong kompensasyon ang mga saksi.
Nakalatid sa Republic Act No. 9165 kon Comprehensive Dangerous Drugs Act of 2002 Section 21, nga ugaling dunay himoong anti-illegal drug opperation, kinahanglang dunay mosaksi nga gikan sa Media, representante sa Department of Justice (DOJ), ignon man elected official.
