BUTUAN CITY – Mas maayo kung makasugod na ang Independent Commission for Infrastructure kon ICI pag-imbestiga sa anumalusong flood control projects sa Pilipinas ngamaoy ugat sa kurapsyon.
Sigon ni Atty. Orly Montalban, maayo ang dagan sa imbestigasyon sa Senado ning nakalabayng adlaw, apan mas maayo kung makasugod na matud pa ang ICI sa ilang trabaho, ug sama sa Senado, mas maayo nga duna kini public viewing sa ingon, maklaro gayud ang dagan sa imbestigasyon. Importante matud pa nga makita kini sa katawhan kinsa nag-albutruto na tungod sa maong isyu.
Gipasabot usab sa abugado nga dili buot pasabot nga kung duna na’y legislative immunity ang usa ka indibidwal nga gi-imbestigahan sa Senado, dili na kini makasuhan. Tumong lang sa legislative immunity nga dili sila makasinati og kapintas gikan sa mga Senador.
Taliwala niini napukaw usab ang kasuko sa maong abugado sa gipangbutyag sa mga gi-imbestigahan sa Senado, partikular na ang pagwaldas ra sa bilyones pisos nga kwarta sa katawhan pinaagi sa sugal. Sumala sa abugado, daw dili na tawo ang nasangpit nga mga indibidwal tungod kay ninaug naman sila sa lebel sa mga hayop, tungod sa kawala na nila’y kunsensya.
Ang pamahayag ni Atty. Orly Montalban.
