BUTUAN CITY – Init usab nga milambigit sa rali kagahapon sa may Guingona Park ning siyudad sa Butuan ang parallel group nga gilangkuban sa mga organisadong kalihukan sa katawhan gikan sa Agusan del Sur aron ipakita ang ilang kadismaya sa kawala’y uwaw sa mga magbabalaud nga maoy mihuthot sa kaban sa katawhan.
Sigon ni Hermie Piedad, ang ilang pag-apil sa rali, pagpakita lang sa ilang katungod isip mga tax payers nga nangita sa ilang kwarta rason nga dili matud pa igo ang pag-resign sa mga nalambigit sa kurapsyon tungod kay kinahanglang patubagon gayod ang mga nangurakot sa kwarta sa katawhan.
Gibutyag niining dili pa igo ang pagkanaog sa pwesto ni Rep Martin Romualdez isip house speaker kondili mas maayong muluwat pa kini pagka-kongresista tungod sa kawala na niya’t moral nga dungog nga ikapakita sa katawhan sa tibuok Pilipinas.
