BUTUAN CITY – Gipanganlan na ang inisyal nga membro sa gimugnang fact-finding body ni Pangulong Ferdinand Marcos Jr. kansa gitawag nga Independent Commission for Infrastructure (ICI) pinaagi sa Executive Order No. 94. Nagunang tumong sa Independent Commission for Infrastructure kon ICI ang imbistigahan ang paggamit sa pondo sa nasod ug ang posibleng korapsyon sa mga proyekto sa gobyerno, partikular sa flood control, sa nakalipas nga 10 ka tuig.
Gihatagan ang maong komitiba nga magpagawas og subpoena; Magrekomenda og kaso sa Department of Justice kon DOJ, Ombudsman, ingon man sa Civil Service Commission; Mag-freeze og assets ingon man makapagawas og hold departure orders. Gimuntar isip mga commissioner sila si Rogelio “Babes” Singson, kanhi DPWH Secretary ingon man si Rossana Fajardo, managing partner sa SGV & Co. ug lain pang usa nga maoy mamahimong chairman sa nasangpit nga lupon kansa wala pa gipanganlan. Samtang, mamahimo usab nga adviser sa maong grupo si Baguio city Mayor Benjamin Magalong.
Gimugna ang maong grupo human nabulgar ang “ghost projects” sa flood control nga ning kabat sa P100 bilyon nga kontrata. Una nang nabulgar ang mga pangalan nga matud pa, may klamabigitan sa nasangpit nga kurapsyon atul sa pagdungog sa kamara ingon man sa Senado.
