BUTUAN CITY – Gigamit sa Department of Education (DepEd) pagpanguna ni kanhi Secretary ug Vice President Sara Duterte ang mga certifications gikan sa military officials aron ma-justify ang disbursement sa P15 milliones niini nga confidential funds isip bayad sa mga informants niadtung 2023, taliwala pa man nga walay kabang-kaagan niini ang kasundalohan.
Kini ang gi-angkon ni kanhi DepEd spokesperson Michael Poa atul sa pagdungog kagahapong adlawa sa House of Representatives. Ang maong rebelasyon, gikan ra usab sa mga dokumentong gisubmite sa Office of the Vice President ngadto sa Commission on Audit kondiin gikataho nga ang P15 million sa confidential funds sa maong buhatan, alang sa gihimong Youth Leadership Summit kon YLS.
Subay niini, gikumperma usab ni kanhi DepEd spokesperson Michael Poa nga gihangyo niini si DepEd Undersecretary ug retired Major General Nolasco Mempin nga mohatag og certifications gikan sa military units arun paluyuhan ang paggastu sa OVP sa P15 million confidential funds niini para matud pa sa mga informants niadtung 2023.
Ang rebelasyon sa kanhi tigpamaba sa Separtment of Education.
Apan sumala ni Poa, gihimo niya kini sa insaktung lugar tungod kay gipangayuan raman usab ang OVP sa Commission on Audit kon COA og tubag sa audit observation memorandum (AOM) kalabot sa gigastuhan sa nasangpit nga confidential funds.
Dugang pa niini, ang kasundalohan man usab ang naglusad sa nasangpit nga Youth Leadership Summit isip ilang adbokasiya batok sa insurhensiya.
Ang pagpangulipas ni kanhi DepEd spokesperson Michael Poa. Alayon niini, ang COA, naghatag usab sa House Committee on Good Government and Public Accountability panel og kopya sa justification sa Department of Education.
