BUTUAN CITY- Gimando ni Department of Agriculture kon DA Secretary Francisco Tiu Laurel Jr. ang temporaryong pagbawal sa pag-import og poultry products gikan sa Indiana, United states.
Kini nunot sa mingkuyanap nga kaso sa H5N1 Avian Influenza o bird flu.
Lakip sa mga gibawal nga i-import mao ang poultry meat, day-old chicks, itlog, ug uban pang poultry-based products.
Tumong sa maong bag-ong kamandaon nga maprotektahan ang poultry industry sa Pilipinas batok sa posibleng pagsulod sa virus gikan sa maong estado.
Gawas niini, tugotan gihapon nga maka-sulod sa Pilipinas ang mga shipment nga napadala na gikan sa US adiser napatuman ang mandato kung ang mga niini naproseso o napatay adiser ming-abot ang petsa nga Enero-30.
Mipahimangno usab ang DA nga kumpiskahon ang bisan unsang shipment nga mosupak sa bag-ong mandato, dungan sa pagbantay sa mga port sa nasud.
