BUTUAN CITY – Na-aprubahan na sa Philippine Health Insurance Corporation kon PhilHealth Board ang unang preventive oral health care benefit package sa nasud.
Sigon ni Health Sec. Teodoro Herbosa, cover na usab sa bag-ong health benefits package ang pag-atiman sa ngipon kansa na-aatol sa pagsalmot sa Pilipinas sa pinaka-unang World Health Organization Global Oral Health Meeting sa Bangkok, Thailand. Ilawom niini, abagahnon sa state health insurer ang hangtud sa P1,000 oral health benefit matag-tuig alang sa preventive oral care services sa mga miyembro.
P300 alang sa unang bisita alang sa mouth examination/oral screening, oral prophylaxis (cleaning), ug flouride varnish application. P300 usab sa ikaduhang pagbisita kansa dili mu-ubos sa upat ka buwan human sa unang pagbisita alang sa susamang serbisyo ug P200 naman ang kada-ngipon kansa maximum sa duha ka ngipon matag-tuig alang sa pit and fissure sealant ug Class V procedure.
Sigon ni Department of Health (DOH) Asec. Albert Domingo, dili apil sa benefit package ang ibot sa ngipon. Magamit kini nga benepisyo sa mgaprimary care facilities sama sa Bagong Urgent Care and Ambulatory Service kon BUCAS, centers ug rural health units.
Sigon ni Domingo, gihan-ay pa karon ang circular kalabot sa oral health care benefit package apil ang payment mechanism, nga planong ipagawas karong Disyembre. Target sa PhilHealth nga ipatuman ang maong dental services sa unang quarter sa tuig 2025.
