BUTUAN CITY – Misaka og 490-porsiento ang mga natalang kaso sa dengue dinhi sa dakbayan sa Butuan karong tuiga kumpara sa natala ning mi-aging tuig 2021.
Kini ang gipadayag ni Michiko de Jesus, tigpamaba sa Butuan City government tungod kay gikan sa 83 lang ka mga kaso ning mi-aging tuig, karong tuiga mi-abot na kini sa 490 base sa datus nga gihatag kanila gikan sa City Health Office, gikan niadtong Enero hangtud sa kasamtangan.
Sa maong ihap, 266 niini ang mga lalaki ug 224 ang mga babaye nga nag-edad og 78-anyos pa-ubos.
Ning tuiga, duha ang namatay tungod sa maong sakit gikan sa Brgy. Doongan ug San Mateo.
Pinakadaghan matud pa sa age bracket nga nataptan og dengue ang anaa sa 10-anyos pa-ubos nga gisundan sa 11 hangtud sa 20-anyos.
Kamatu-uran daghan ang n-admit sa nagkada-iyang ospital ning siydad tungod sa maong sakit.
