BUTUAN CITY- Gikwestyon sa Defense team ni Vice President Sara Duterte ang hurisdiksyon sa House Committee on Justice atol sa panaghisgot sa impeachment complaint batok sa Bise Presidente, dungan sa pagbutyag nga dili sila mosalmot sa mga hearing nga daw supak sa constitution.
Sumala sa kampo sa Bise Presidente, nga aduna silay serious question sa gahom sa committee nga mohimo og mini trial lakip na nag pag-isyu og subpoena ug uban pang compulsory process.
Bisan paman ilang gi-ila ang mandato sa kamara nga maghimo og impeachment proceedings, dili matud pa nila dawaton ang autoridad niini nga mohimo og bisan unsang klase nga pagtaral.
Gi-insistar usab ni Atty. Sheila Sison, nga kalro sa konstitusyon ang papel sa house of representatives sa pagsugod sa impeachment apan dili niini sakop ang paghimo og trial, kansa angay lang buhaton sa Senado.
Samtang gikatada usab nga mo-atubang si Atty. Michael Poa sa hearing human gi-arobahan sa committee ang motion alang sa Subpoena ad testificandum batok niini.
Si Atty. Poa kanhi Chief of Staff sa Department Department of Education kon DepEd sa 2022 hangtud 2023ug gilaomang maghatag og katin-awan sa paggamit sa confidential and intelligence funds sa ahensya.
Taliwala niini, sigon ni Atty. Poa, nga andam kining mo suod sa ipagawas nga subpoena ug ingon man ang pagtambong sa hearing.
Apan gusto matud pa niini nga tun-an ang mga unod niini, hilabi na nga gikatingala matud pa ni Atty. Poa ang alegasyon nga siya ang adunay tulobagon sa pipila ka accomplishment report, usa ka pamahayag usab nga daw dili konektado sa mga dokumento.
Sa pagpangutana usab sa Bombo Radyo Philippines, gibutyag sa depensa sa kampo ni Vice President Duterte, nga gusto nilang mo-atubang ug motistigo si Ramil Madriaga sa husto nga forum aron matubag ang mga alegasyon niini.
